Rai ka KHADC ban pynkiew haduh 100 shah ïa ka jinglum khajna

Shillong, Jylliew  4: Ka Khasi Hills Autonomous District Council (KHADC) kum shi bynta ban pynkhlaiñ ia ka pla tyngka jong ka Council ka la rai ban pynkiew noh haduh 100 shah ka jinglum khajna na ka bynta kino kino ki kam kiba donkam ia ka jingbit ne ka No Objection Certificate na ka tnad Forest.

Haba pyntip ia kane, u CEM, Bah TW Chyne u la ong ba ia katei ka rai ki la shim ha ka jingialang jong ka Executive Committee kaba long hynne ka sngi hadien ba ki lap ba ka dor kaba treikam baroh shi katta kadei kaba la slem bha ym duna shuh ia ka 10 snem.

Ha kajuh ka por, u CEM u la iathuh ruh ba ka KHADC ka la rai ruh ba kito ki  nongbylla bad ki nongkhaii kiba dei ki bar jyll ki hap ban pynbiang ia ki clearance certifcate lada ki kwah ban treikam ha kane ka jylla. Katei ka jingbthah kan treikam wat na ka bynta kito ki briew kiba ka sorkar jylla kathmu ban ailad kyrpang kum ki nongtrei kiba tbit ha ki jait kam bapher bapher.

Kiwei pat ki rai ba ka EC ka shim ka long ban pynkhlaiñ ia ka IT Department khamtam hadien ba ka High Court ka la bthah ba ki Court jong ka Council kidei ban treikam beit online khnang ba ki paidbah kin lah ban ujor online ia ki mukotduma bad kiwei kiwei.

La shim ruh ia ka rai ba ia ka professional tax ki paidbah nangne shakhmat ki lah ban siew online noh.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589