Saw tylli ki khyrdop pynkhreh ka sorkar ha ki jaka khappud bad ka Assam

????????????????????????????????????

Shillong, Jymmang 2 : Ka sorkar jylla ka la pynkhreh haduh saw tylli ki khyrdop, kata ha Ratacherra, Byrnihat, Bajengdoba bad Trikilla na ka bynta ban khmih bniah ïa ka koit ka khiah jong kito ki samla ba pule bad trei ha ki jylla North East  ha shwa ba kin rung shapoh ka jylla.

Katkum ka jingïathuh jongj u Symbud Myntri Rangbah, ha kitei ki khyrdop kin don ruh ki doktor ryngkat ki Rapid Diagnostic Test kit ban test ïa kitei ki samla.

La ïathuh ba ka sorkar ka la pynkhreh ruh da ki jaka sah kyrpang ne ki Quarantine Centre na ka bynta kito ki samla ba don ki dak shitom katba na ka bynta kito ki bym don dak shitom ei ei yn shah ïa ki ban leit phai sha la ki shnong ki thaw jong ki.

“Ngi la dep pynbeit ruh ba ynda ki la poi ha shnong, lada jia ba kim don kamra la ka jong ba kin set slung ïalade, ki hap ban ïa shonglang baroh shi-ïing. Kumta na ka bynta kitei, ka sorkar ka hap ban phah set slung lang baroh shi-ïing ha kaba ïa ka bam ka dih ka sorkar kan pynbiang nadong shadong haduh 14 sngi khnang ba kin ym ïa khleh bad ki para marjan ne para shnong  para thaw,” u la ong.

Shuh shuh u la kdew ruh ba katei ka sienjam ba la shim da ka sorkar kam dei satia ba kitei ki samla ki wanrah jingma hynrei ka long na ka bynta ka jingshngaiñ lang jong baroh.

La ïathuh ruh ba na ka bynta kito kiba sah ha rilum Garo ki kham suk namar ka don ka rel haduh Mendipathar hynrei na ka bynta kiba sah ha rilum Khasi ki kham shem jingeh namar la hap ban leit shaw naduh nongbah Guwahati. “Halor kane ka bynta ruh ngi hap ban ïa  kren bad u Myntri Rangbah ka jylla Assam. Hap ban leh da ka jingsngewthuh lang namar haduh mynta ïa ka leit ka wan hapdeng ki jylla ym pat shah satia.”

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589