Shah pynjulor ka kali ka seng KSU, phet ki nongleh kam sniew sha Lumsohphoh

Shillong, Rymphang 24: Ka kali kaba dei jong ka seng ki samla pule, ka Khasi Students Union (KSU) ka la shah pynjulor ha ki katto katne ngut ki riew runar kiba ym I lah ban ithuh dur.

Katkum ka jingïathuh jong u General Secretary ka KSU sengkmie, u samla Donald Thabah uba pyndonkam ïa katei ka kali, u la ong, kane ka jingjia ka la jia ha ka por kumba 1:25 eiei kata ha ka por ba ka tnat MeECL ka dang shu dep ban pynlip bording.

U samla Donald u la ong, ha kaba nyngkong u la ïoh ïa kane ka jingtip na ki para marjan kiba sah ha ka dong Bishop Falls, Lower Mawprem kaba u la pynieng ïa ka kali.

U la ong, ba katkum ka jingïathuh jong ki briew kiba ïohi halor katei ka jingshah pynjulor ka kali jong ka seng KSU, la pyntip ba ki don lai ngut ki briew bad mar ïa pynlip bording, ki la sdang ban bom bad tied ïa ka kali kaba la julor bun khamtam namar la pynpait lut ïa ki iit kali.

Nalorkata, u la ong, ki briew kiba la sakhi ïa katei ka jingjia, ki ïathuh ba kine ki lai ngut mar ïa dep ïa ka kam ki la phet beit sha ka dong Lumsohphoh.

Na ka liang, u samla Donald u la pyntip ba u khlem treh ban ujor ejahar ha ki pulit hynrei u la ong, ka seng ka la shim jingkitkhlieh ba kan iit ïa kiba donkti bad ban nym shongthait haduh ban da lap ïa kita ki riew runar.

Hynnin ka sngi kata hashuwa ban jia katei ka jingjia, la ïoh jingtip ba ka ladon ka jingïalang jong ka seng United Democratic Party (UDP) ha Mawprem kaba la pan jingkyrshan ïa u kyrtong jong ka, u bah Paul Lyngdoh uba long u president barim ka KSU.

Ha kane ka ilekshon sha ka KHADC ka ban long la 27 tarik mynta u bnai, u bah Paul un hap ban ïakhun pyrshah ïa u kyrtong ka Congress, u bah Auguster Jyrwa uba long ruh u General Secretary barim ka KSU sengkmie bad kiwei ki kyrtong kynthup ïa u kyrtong ka seng KHNAM.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589