Shna ka Pasteur Institute la ka jong ka dawai sait kti

????????????????????????????????????

Shillong, Jymmang 04: Ka tnad ka Koit ka Khiah jong ka sorkar jylla ha ka sngi Nyngkong ka la pyllait paidbah ia ki dawai sait kti (hand sanitizer) ba la shna hi da ka Pasteur Institute, Shillong.

Ïa kitei ki dawai sait kti la pyllait paidbah da u Myntri katei ka tnad, Bah AL Hek ha ka jingialang kaba long ha Directorate of Health Services (Research), Pasteur Institute, Lawmali, Shillong ryngkat ka jingdonlang ka  Secretary jong ka tnad Health and Family Welfare, Kong MN Nampui, nangta ka Directorate of Health Services (R) bad Medical Superintendent, Ganesh Das MCH Hospital, Dr. N. Wanswett, DHS (MI), Dr. A Warr bad kiwei kiwei.

Haba kren ha katei ka jingialang, u Myntri u la ong ba katei ka sienjam ba la shim da ka Pasteur kan long kum u mawjam na ka bynta ki tnad ha kiba bun ki phang kiba iadei bad ka bit ka biang jong ki nongshong shnong haba iadei bad ka koit ka khiah.

Katkum ka jingiathuh jong u, ka Pasteur ka pynmih la kumno 1000 – 1200 litar katei ka dawai saitkti ha ka shisngi. 

U Myntri ha katei ka sngi u la leit ruh ban jurip ia ka jaka sah kyrpang ne ka Isolation Room ban buh ia kiba ioh ia utei u khñiang coronaviurs kaba don ha ka jingtei kaba thymmai jong ka Ganesh Das.

Door Step Delivery Of Medicine

We Advertise

Shillong Mail shillongmailnews@shillongmail.com

  • 7085718589
  • Head Office: Langkyrding Mihngi
    Shillong
    For Advertisements
    Call Us Here 98634-49079
  • ################