Tam ka jinglum khajna GST ïa ka 1 lak klur ha u bnai Ïaiong 2018

New Delhi, Jymmang 01: Ka jinglum khajna GST ha u bnai Iaiong 2018 ka long T.1,03,458 klur ha kaba ka CGST ka long T. 18,652 klur, SGST ka long T.25,704 klur, IGST ka long T. 50,548 klur (ba la kynthup lang 21,246 klur ba la lum na ki mar ba wan na bar ri) bad ka Cess ka long T.8554 crore (ba la kynthup lang ia ka T.702 klur ba la lum na ki mar ba wan na bar ri).

La don 60.47 lak tylli ki jingkyntiew GSTR 3B Returns na ka bynta ka por hapdeng u bnai Lber haduh 30 tarik Iaiong, 2018 na ki 87.12 lak ngut ki briew ki ba dei ban ai jingkyntiew ia kane ka GSTR 3B Returns kaba long lut baroh 69.5%.

U bnai Iaiong u la long ruh u bnai ban kyntiew ia ka Quarterly Return na ka bynta ki Composition Dealer.

Na ki 19.31 lak ki Composition Dealer, la don 11.47 lak ngut kiba la ai jingkyntiew ia ka Quarterly Return (GSTR 4) kaba long 59.40% bad kine ki la siew khajna kaba la kot sha ka T.579 klor kaba la kynthup lang ha katei ka jingkein halor ba la kdew ba la don ka jinglum khajna hapoh ka GST kaba la kot sha ka T.1.03 lak klur.

Kane baroh ka kdew ia ka jingkiew jong ka ioh ka kot jong ka ri. Ka pyni ruh ba ki briew ki la pdiang ia ka GST.

Hynrei la iohi ruh ba ha u bnai ba khatduh jong ka Financial Year, ki briew ki pyrshang ban siew ia ki jingsiew ba sah na ki bnai ba la dep bad ka dei namar kane ba ym lah ban ong lada kane ka jingjop ha une u bnai ba lah dep kan long kaban bteng sha kine ki bnai ban wan.

Ka Sorkar Kmie ka la ioh lum khajna haduh T.32,493 klur bad ki Sorkar Jylla ki la ioh lum kynthup T.40,257 klur ha u bnai Iaiong mynta u snem.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589