Thung ka sorkar ïa u bah Khyllep kum u ophisar ba shipor jong ka tnat Law

Shillong, Ïaiong 29: Ka kynhun myntri jong ka sorkar jylla ha ka sngi Balang ka la rai ban thung da u Ophisar IAS ba la shongthait ban khlieh ïa ka tnad Law kum u Commissioner & Secretary jong katei ka tnad na ka bynta ka jingïaid beit ïaid ryntih jong ka kam.

Haba kren bad ki lad pathai khubor hadien ba la wai ka jingïalang, u Symbud Myntri Rangbah ka jylla, Bah Prestone Tynsong u la ong, “Naduh ba shongthait noh u Bah Kharlyngdoh kum u Commisisoner & Secretary, katei ka kam ka la shong thylli noh. Kumta ka kynhun myntri ka la rai ban thung noh shipor (contract basis) ïa u Bah W Khyllep, IAS ba la shongthait ban ïarap ïa ka Law Department na ka bynta 6 bnai.”

Shuh shuh u la ong ruh ba hadien ba la kut kitei ki 6 bnai ka sorkar ka dang lah ban pynjlan biang ïa ka samoi treikam jong utei u ophisar barim jong katei ka tnad hi, lada ka dang donkam.

U Symbud Myntri Rangbah u la ong ruh ba khnang ba kan ym don ka jingsngewthuh bakla, u la pynshai lypa ba katei ka jingthung ïa u Bah Khyllep kadei na ka bynta shipor bad kam dei satia ka jingthung kam pura.

Door Step Delivery Of Medicine

We Advertise

Shillong Mail shillongmailnews@shillongmail.com

  • 7085718589
  • Head Office: Langkyrding Mihngi
    Shillong
    For Advertisements
    Call Us Here 98634-49079
  • ################