Yn ïaid beit ka jingïakhih ka CoMSO hapoh ka jylla

Shillong, Rymphang 3: Ka Confederation of Meghalaya Social Organisations (CoMSO) mynta ka sngi ka la pyntip ba ka jingïakhih ban pynrem ïa ka Sorkar Kmie hapoh ka jingïalam ka BJP kaba la pynlong Aiñ jubor ïa ka Citizenship Amendment Act 2019 bad ban pynslem ban ai ka jingmynjur ban pyntreikam noh ïa ka Inner Line Permit ha ka Jylla Meghalaya kan ïaid beit hapoh ka Jylla.

“Kumba ngi ladep ban rai ha ka jingïalang ba la dep, ka Evening Sit in demonstration kan ïaid beit lashai ka sngi naduh ka por 1 pm haduh 5 pm ha phyllaw Jong ka state central library, Shillong haduh ka 8 tarik, “ ong ka CoMSO.

Ka CoMSO ka la ong ruh ba kane ka jingïakhih kan long kumjuh ruh, ban pynkynmaw ïa ki MLA ka Jylla ba kim bit ban shong kli kti noh halor ka jingdawa ïa ka ILP hynrei ki dei ban ïalam ïa ka Jylla da ka jingrhem haduh ban da ïoh ïa ka ILP.

Shuh shuh ka CoMSO ka la ong, kumba ngi la kren shai ba ngi dei tang ki nonglum bad nongpynbeit hynrei ngi kwah ba kane ka jingpyrshah CAA bad dawa ïa ka ILP ka hap dei ban long ka jingïakhih da ki paidbah, jong u paidbah bad nabynta u paidbah, kumta ngi khot, ngi wer ïa phi baroh ki para Ri ba phin ïa wan ban pynpaw haba shai ba shit ka sngi ba ka Jylla Meghalaya ka pyrshah CAA bad ka dawa ILP.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589