Yn ïakren ka KHADC bad ka Sorkar halor ka Transit Pass nalor ka MSP ïaki nongrep

Shillong, Jymmang 26: U Chief Executive Member ka Khasi Hills Autonomous District Council (KHADC), u Bah Titos W Chyne u la ong ba la khot tender ha u bnai Lber mynta u snem ban don u nongshim wai ban khrong lane ai ia ka Transit Pass ha kaba ia dei bad ki mar khlaw

“Ka ju long ka rukom hangne ha KHADC ba la ju aiwai ha u nongwai ban khrong lane ai Transit Pass ha kaba ia dei bad ki mar khlaw. Hynrei ia kane ka jingai wai la leh ha u bnai Lber ha ka por ba ngim don Executive Committee ha KHADC”, u la ong. “La khot tender biang ba un don une u nongshim wai ban ai Transit Pass”, u la ong.

“Ha katei ka por ngim don Executive Committee bad mynta ngim pat don Executive Member incharge Forest te ngim tip ia kane”, la ong u Bah Titos ha ki nongthoh khubor hadien ka jingiakynduh ia ki MDC kiba la pynpaw jingsngewkhia halor ka jingjia bym treh thied synsar ki Marwari ha Mawïong na ki nongrep bad nongkhaii synsar ka Jylla.

Ha ka sngj nyngkong ki nongkhaii bad nongrep synsar na ki thaiñ bapher bapher ka Jylla ki la pynpaw ka jingsngew khia ba ki Marwari ha Mawïong kim treh thied synsar na ka daw ba kim treh shim Transit Pass na ka KHADC bad ai daw ruh bym biang ka leit ka wan na ka daw ka lockdown bad khapngiah ka jaka buh synsar ha kane ka jaka.

“Ha ka sngi ba ar kan don ka jingialang hapdeng jong ki MDC, ka tnad Agriculture bad Forest ka Sorkar Jylla bad ngin ïoh ban ia kren kham shai”, u la ong. “U nongshim wai haba u ioh order u hap ban pyndep na kata ka daw kala mih ka jingeh na ka liang ki marwari kiba tied synsar na ki nongrep jong jong ngi ki kyntait ban siew ia ka TP”, u la ong.

 “Hynrei katkum ka jingtip jong nga ka TP ba ai da ka KHADC ka la iaid mynta la 15 snem ha ka dor 36 naia shi kilo hynrei nga sngewsih ban ong ba ha kine ki snem baroh kiba la dep bunsien u marwari u khniot ia ka dor na ki nongrep na ka daw ka aiu bad balei”, u la ong.

“La kynnoh ba ka KHADC ka la lum khajna lum royalty bad lehse u marwari u lah ban ong ba khrong 5 tyngka tam ba shim ka kHADC lane 10 tyngka bad nga ieh ha ki nongrep ban pynshai”, u la ong. “Nga kwah ban tip mano ba aibor ia u marwari ban buh hi ba uta u synsar u dei u no.1 ne no. 2 ne u no. 3 bad halor ka nongrim aiu ba ki marwari ki buh kyndon”, u la ong.

“Ka long ka jingeh ba ka Sorkarkar kam buh ia ka Minimum Support Price ia ki mar rep bad ki marwari ki khniot dor katba mon”, u la ong bad kdew ba ha ka jingialang ha ka sngi ba ar ym tang kane ka mat yn ia kren hynrei yn ia kren ruh halor ka dor ka mur.

Da kaba maham ia ki Marwari, u la ong, “Ki marwari ki sngew ba tang ma ki kiba bat ia ka iew..ki sngew long monopoly bad nga ong lypa ba na ka liang ka KHADC ka la pynkhreh ba kan poi ka por ba kin sa mih ki briew jong ngi ki ban thied ia une u mar rep na ki nongrep. Ym dei ban ailad ia kiba na bar ban khniot ia ngi”.

“Ha kaba ia dei bad ka TP ngam pat lah ban ong eiei mynta bad kan don jingialang bad ngin sa shim ia ka rai ynda la ia kren bad ka Sorkar”, u la ong ba u sngewkhia ba ki nongrep kim ju ud pynban ki ud ha iing. 

Da kaba pyntip ba un khot jingialang ha ka sngi palei ia ki nongrep lem ki nongkhaii, u la iathuh, “Ka KHADC kam shym la ïoh jingtip ne jingthoh na ka Sorkar ba la pyllait khajana ia u synsar, sohmrit bad sla tyrpad. Nga la kylli na ki ophisar”.

Haba kylli ba ka jaka khaïi synsar ha Mawïong ka dei jong ka Marketing Board ka Sorkar Jylla, u CEM u la ong, “Katkum a jingtip jong nga ka KHADC kam tuklar hapoh iew, ka tuklar shabar ia ki nongkhaii na kito kiba trasnit shabar ia u mar. Ailad ia ka EC ban peit la ngim sngew dei ban shim ngin ym shim shuh”.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589